დაგვიკავშირდით
+995 592 11 21 11

სად შეიძლება ჩაუტაროთ ბავშვს უფასოდ სისხლის ანალიზი ტყვიის შემცველობაზე - "საჭიროების შემთხვევაში, მედიკამენტსაც უფასოდ მივცემთ"

სად შეიძლება ჩაუტაროთ ბავშვს უფასოდ სისხლის ანალიზი ტყვიის შემცველობაზე - "საჭიროების შემთხვევაში, მედიკამენტსაც უფასოდ მივცემთ"
11 მარტი 2021, ხუთშაბათი
526

სოციალურ ქსელში გავრცელდა ინფორმაცია, რომ 0-დან 7 წლამდე ასაკის ბავშვებს იაშვილის სახელობის ბავშვთა ცენტრალურ საავადმყოფოში უფასოდ ჩაუტარდებათ სისხლის ანალიზი ტყვიის შემცველობაზე. ინფორმაციის გადასამოწმებლად ივანე ჩხაიძეს, საავადმყოფოს სამედიცინო დირექტორს მივმართეთ:

"დიახ, ეს სერვისი სახელმწიფო პროგრამის ფარგლებში უკვე 3 წელია მიმდინარეობს საქართველოში. თუ ბავშვებს აქვთ რაიმე სიმპტომი, რომელიც ტყვიის მომატებული კონცენტრაციით შეიძლება იყოს გამოწვეული, პირველი აპრილიდან შეუძლიათ მიმართონ კლინიკას. ჩავატარებთ გაღრმავებულ კვლევას, შეფასებას და საჭიროების შემთხვევაში, მედიკამენტსაც უფასოდ მივცემთ. აღნიშნული პროგრამა მთელი საქართველოს მასშტაბით ხორციელდება, ოჯახის ექიმები სპეციალურად გადამზადდნენ და ყველა მათგანმა იცის იმ საეჭვო სიმპტომების შესახებ, რაც შეიძლება ტყვიის მომატებული კონცენტრაციით იყოს გამოწვეული. პაციენტებს შეუძლიათ მოგვმართონ ფორმა 100-ით, რომელშიც ერთი სიმპტომი მაინც იქნება მითითებული. როგორც აღვნიშნე, პროგრამა არა მხოლოდ ჩვენს კლინიკაში, არამედ მთელი საქართველოს მასშტაბით ხორციელდება."


ტყვიის მომატებული დონის მქონე ბავშვების უმეტესობა ასიმპტომურია, თუმცა ბავშვების ნაწილში შეიძლება აღინიშნოს სხვადასხვა ორგანოსა თუ სისტემის დაზიანება, როგორიცაა ცენტრალური ნერვული სისტემა, საჭმლის მომნელებელი სისტემა, სისხლმბადი სისტემა, საშარდე სისტემა, ძვლოვანი სისტემა სისტემა. ქვემოთ მოყვანილია სიმპტომები და ნიშნები, რომელთა არსებობის შემთხვევაში შესაძლოა ეჭვი მივიტანოთ ტყვიის ქრონიკულ ინტოქსიკაციაზე: 

  • ქცევის პრობლემები: ადვილად გაბრაზება, გაღიზიანებადობა, ხასიათის ცვლილებები.
  • სწავლის პრპბლემები, განსაკუთრებით მათემატიკასა და ლიტერატურაში
  • ზრდის ტემპის შენელება
  • სმენის პრობლემები
  • თავის ქრონიკული ტკივილი
  • ანემია
  • მადის დაკარგვა
  • მადის გაუკუღმართება
მოგეწოანთ ჩვენ მიერ შემოთავაზებული სტატია? გთხოვთ დააჭიროთ ღილაკს

ბოლო სიახლეები:

Прокомментировать
კოდის განახლება
პარტნიორები