დაგვიკავშირდით
+995 592 11 21 11

რა შემთხვევაში მოვა გიორგი ღოღობერიძე პოლიტიკაში – ექიმის განმარტება

რა შემთხვევაში მოვა გიორგი ღოღობერიძე პოლიტიკაში – ექიმის განმარტება
01 სექტემბერი 2021, ოთხშაბათი'
1 183

ქიმი გიორგი ღოღობერიძე ჟურნალ „თბილისელებთან“ მიცემულ ინტერვიუში განმარტავს, რა შემთხვევაში შეიძლება მოვიდეს ის პოლიტიკაში: „ამ მომენტისთვის პოლიტიკური ამბიციები არ მაქვს. პოლიტიკა ძალიან დროებითია ჩვენს რეალობაში – დღეს ხარ, ხვალ კი იმდენად აღარ, რომ სხვაც ვერაფერი გახდები. ამიტომ, ამაზე ფიქრი ძალიან რთულია.
 
თუმცა თუ ვნახე, რომ პოლიტიკაში მოსვლა აუცილებელი გახდა, რათა ჩემი მიზნის მისაღწევად შესაბამისი პირობები შევქმნა, შეიძლება, ეს ნაბიჯი გადავდგა, მაგრამ მანამდე სხვა გზებს ვეძებ, იქნებ შევძლო და პოლიტიკას გვერდი ავუარო. შემოთავაზების მეტი რა არის, მაგრამ ამ მომენტში მე თვითონ არ ვარ დაინტერესებული ამ სფეროთი…“, – ამბობს ღოღობერიძე.
 
ასევე, მან სხვადასხვა ტელევიზიაში მუშაობისას მის აპოლიტიკურობაზე ისაუბრა და სოციალურ ქსელში დაწერა:
 
„სამედიცინო გადაცემების წაყვანა პირველად “პოსტვ-ში” დავიწყე… იქ რომ ვიყავი, ვაიმე, მანდ რა გინდა, ქართული ოცნების წევრი ხომ არ ხარო? მერე “პულს ტვ-ზე” ვიყავი და მანდ რა გინდა, ვინ უყურებსო. მერე “რუსთავი 2-ში” გადავედი და ვაიმე, ოცნებაში ისევ რა გინდაო?  “მთავარ არხზე” გადავედი სამედიცინო გადაცემის წასაყვანად და ოპაა, ეს ნაციონალური მოძრაობა არისო.
 
არადა ყველგან მედიცინის იქით არაფერი მითქვამს. თან როგორი კარგი გადაცემები იყო თითოეულ არხზე. არ მოგწონდათ?
 
ექიმი ვარ და ყველა არხი, ყველა პოზიცია, ყველა ანტივაქსერი და პროვაქსერი, ყველა ადამიანი არის ძალიან მნიშვნელოვანი. არასდროს შემიხედავს ადამიანისთვის პოლიტიკური ან სხვა კუთხით. ექიმი მას სჭირდება, ვისაც რაღაც უჭირს და გაჭირვების დროს ადამიანების დაყოფა სირცხვილია და სხვა არაფერი.


ყველას ვცემ უდიდეს პატივს, როგორც ჩემ გულშემატკივარს, ისე ჩემზე ცუდის გაგებით გახარებულ ადამიანებს. დამშვიდდით, მე არ ვარ ბოღმიანი და ძალიან მშვიდად ვიღებ ნეგატივს. ჰოდა, ამ პოსტით იმის თქმა მინდა, რომ მედიცინა ყველგან მედიცინაა და ყველგან არის ხალხისთვის კარგის კეთების მიზანი.
 
არც ერთი პოლიტიკური პარტია არ ვარ და ყველა არხს ძალიან დიდ პატივს ვცემ. როგორც “პოსტვ-ს”, პულს ტვ-ის და “რუსთავი 2-ს”, რომლებმაც გადაცემები მომცეს, ასევე “მთავარ არხს”, რომელმაც ამ საქმის გაგრძელების საშუალება მომცა “მთავარ დიაგნოზში” . ასევე “ფორმულას”, რომელმაც ბევრი კარგი გადაცემა მომიძღვნა და ასევე “იმედსაც”, სადაც ასევე ბევრი კარგი გადაცემა იყო.
 
“მთავარი დიაგნოზიც”,- ისეთივე საინტერესო გადაცემაა, როგორიც სხვები და იქაც გვინდა, რომ რამე კარგი და გამოსადეგით დავეხმაროთ ხალხს.  ზოგიერთმა კი წამშალა მეგობრებიდან, მაგრამ სულ ტყუილად… მე მაინც ვემეგობრები“, – ვკითხულობთ ღოღობერიძის ფეისბუკ-პოსტში.
მოგეწოანთ ჩვენ მიერ შემოთავაზებული სტატია? გთხოვთ დააჭიროთ ღილაკს

ბოლო სიახლეები:

Прокомментировать
კოდის განახლება
პარტნიორები